ఈ బ్లాగును శోధించు

ఆదివారం, జనవరి 02, 2011

కొట్ట షమ్మత్షరం

“ఎవడైనా కోపంగా కొడతాడు. లేకపోతే బలంగా కొడతాడు. ఈడేంట్రా చాలా శ్రద్ధగా కొట్టాడు. ఏదో ఒక కోట కడుతున్నట్టు, గులాబి మొక్కకు అంటు కడుతున్నట్టు, చాలా జాగ్రత్తగా పద్ధతిగా కొట్టాడురా!”-అతడు సినిమాలో-తనికెళ్ళ భరణి . ఇందులో "ఈడు"ఎవడు?? ఇంగిలీసోడు!! తెల్లోడు! వాణ్ణి తరిమేసిన పెద్దలు ఆ తాలూకు "సారా"న్ని తరమడం మరిచిపోయారు. శతాబ్దాలకు సరిపడా మాంఛిగా, జాగ్రత్తగా, శ్రథ్థగా,పద్ధతిగా కొట్టాడు.

కొత్త సంవత్సరం వచ్చేసింది! అయితే ఏవయ్యింది? మందు భాఘా కర్షయ్యింది....
గోర్నమెంటుకి గిట్టింది. పోలీసులకి ముట్టింది. కుర్రకారుకి తడిసి జేబుడయ్యింది-- గోర్నమెంటుకి, పోలీసోళ్ళకి సమర్పించుకోడానికి!!!
అర్ధరాత్రి గంతులకి రోడ్లు వేదికలయ్యాయి. సంవత్సరంలో అప్పుడప్పుడూ అనుమతుల్ని అందిపుచ్చుకొనే కుర్రాళ్ళకి పట్టపగ్గాల్లేకుండా పోయింది. మందుతోనే కుర్రకారు రాత్రంతా కేరింతలు కొట్టేరంటే మందు మీద అనుమానం వస్తోంది. మందు ఇంగ్లీషు (drugs)రూపం ధరించేసిందని నిర్ధారణ దొరికిపోతోంది.
ఏ రెండు జనవరి ఒకట్లైనా ఒక రకంగా ఉన్నాయా? ఒక జనవరి ఒకటిన ఉన్న వెన్నెల వేరు! మరో ఒకటిన వెన్నెల వేరు. ఖగోళంగా గాని, భూగోళంగా గాని మరే ప్రకృతి శాస్త్రానికయినాగాని కలవని/కుదరని ఈ సంవత్సరారంభం లెఖ్ఖల కోసం తప్ప సంబరాలకోసం కానే కాదు. ముఖ్యంగా మనకి ఇంత భావదాస్యం పనికిరాదనుకుంటాను.
సాక్షాత్తూ గవర్నరుగారన్నట్టు 31 వెళితే ఏమవుతుంది-- 1టో తారీఖు వస్తుంది. ఆయనది వాస్తవవాదమా! వెటకారమా! కొందరికి పేలిన జోకు, మరికొందరికి కాలిన మేకు....
కొత్త సంవత్సరం వచ్చేసింది ! అయితే ఏంటట? వరదల్లో తడిసిన ధాన్యం మొలకలెత్తి కుళ్ళి కుశించింది, దీక్షలతో, ఓదార్పులతో, పదవుల మార్పులతో, ఆడే అందరి నాటకాలకీ కలెక్షన్లు బాగానే ఉన్నాయి ! ఎలక్షన్లు ముందుకొస్తే బావుణ్ణని అపోజిషనోళ్ళూ, మందు బాబులూ ఎదురు చూస్తున్నారు.. ఉధ్ధరిస్తారేమోనన్న్న మిణుకు మిణుకు ఆశ కొత్త పార్టీలకు కొంత ఓట్ల శాతాన్నన్నా తగలేసుకున్నందుకు మధ్య తరగతి మేధావులు మద్యంలో అర్ధరాత్రి వరకూ చర్చలు జరిపి జోగేరు నిద్రలోకి!
కొత్త సంవత్సరం వచ్చేసింది ! ఏవయ్యింది??? పాత సంవత్సరపు తలనొప్పి (hangover) పొద్దున్నే తలకెక్కింది! ఇంకా కొంతలో కొంత నయం! ఒకట్రెండు తారీఖులు సెలవులొచ్చాయి! శారిడాన్ కునుక్కుందాం పదండి మందుకు-- షారీ !!! మందుల షాపుకు.....

3 వ్యాఖ్యలు:

Aravind చెప్పారు...

Madhyapaanam charithra ku vasthe naa knowledge chaalaa thakkuva. Kaani naaku thelusunnanthalo rajula kaalam lo, "dhevulla" yugaalalo manchineella kante Madhyapaanam ekkuva thaagevaaeremo? Ante Idhi dhevulla yugam kaadhani kaadhu..kaani mundhu yugaallo kanipinchinantha easy ga ippudu "dhevullu" kanipinchatam ledhu emito. Inka vishayaaniki vasthe English vaallu vachi chedakodithene chedemaa? Englishvaallu manaku entho nashtam kaliginchaaru...dhorikindhe avakaasam ani Madhyapaanam gurinchi koodaa vaallane dhooshisthe elaa?

Praveen చెప్పారు...

Liquor is different from Sura (Devullu tagedi). Inka ippudu Sura dorakadam ledu kabatti Devullu kanipinchatam ledu. Plus manan tagedi antha ippudu Sura kaadu its IMFL(Indian made foreign liquor) and IMCL(Indian made cheap liquor)

Aravind చెప్పారు...

Padhaardhaalu verayinaa, parinaamam vakkate nemo (matthu)?